KRALENDIJK—Sisi Clarenda ta lusiendo na Sint Maarten, pendiente pa e kompetensia final fin di siman awor. 

Djamars a tuma lugá e ‘all white ball party’ aya na Sint Maarten. Sisi for di djaluna a pisa tera na Sint Maarten i ya tin diferente enkuentro ku ta tumando lugá, promé ku a parti final. Djamars nan a reuní komo tur partisipante i a kome huntu i notabel ta ku tur kaminda, Sisi ta laga e Bandera di Boneiru lusi.

Number 1

Tur partisipante mester a skohe number i Sisi a saka  number 1 for di tómbola. Tambe mester a entregá bandera di e isla ku nan ta representá. Despues el a duna e board i tambe e otro kompañera mama, un regalito. 

Según komentarionan ku por a skucha, Sisi a lusi hopi bunita.