Sistema nobo pa entregá maleta na Aeropuero Flamingo ta kasi kla

KRALENDIJK – E sistema nobo pa entrega di maleta na pasahero despues di yegada na aeropuerto Flamingo di Boneiru ta kasi kla pa kuminsá funshoná.

Segun direktor di aeropuerto, Maarten van der Scheer, instalashon di e sistema nobo ta kanando sigun plan, pa loke ta trata tempu ku mester pa instalá esaki. For di komienso a premirá ku lo tuma mas o ménos un luna pa instalá e sistema nobo. Instalashon di e instalashon nobo ta wordu hasí pa fabrikante di e sistema. 

“E sistema mes ta kasi kla. Awor tin mester di ajustá e último detayenan pa operá e sistema, pa kuminsa usele di berdat”, asina Van der Scheer a splika riba djadumingu.