Notisia

SKAL ta duna rekonosementu na Zales Anthony i Sisi Janga 

Momento ku ta entregá e rekonosimentu na e dos artistanan. Pòtret ABC Online Media

KRALENDIJK- Djaweps último promé di desèmber 2022 durante di un aktividat bou di e nòmber ‘Spòtlait’ a pone dos artista lokal den lus i tambe a duna nan rekonosementu.

Ta trata aki di Salomon Anthony mihó konosí komo Zales di Foyan Boysz i Sigmar Janga konosí bou di e nòmber Sisi di Grupo Eso. Den un aktividat ku presentashon di Foyan Boysz i Grupo Eso, hefe di Departamento di Enseñansa i Bienestar, Timoteo Silberie i hefe di SKAL  Papito Thomas a hasi entrega di un plakat di rekonosementu na e baluartenan.

Den kuadro di nan trayekto komo músiko, kompositor i artista, gobièrnu di Boneiru ta duna rekonosementu na e dos personanan menshoná pa e trabou i sosten ku nan ta realisá riba tereno kultural. For di aña pasá SKAL a lansa e proyekto ‘Spòtlait’, esaki ku e enfoke pa duna rekonosementu na nos mes hendenan. Pa esaki SKAL ta hasi sondeo i ta skohe dos persona ku ta aktivo den farándula.

Mas grandi

SKAL ta komprometé su mes pa sòru ku pa otro aña e proyekto aki ta bai bira aun mas grandi. Gobièrnu di Boneiru i Servisio di Kultura, Arte i Literatura ta felisitá Zales Anthony i Sisi Janga ku nan rekonosementu.

Deel dit artikel
Rocargo
Rocargo
Rocargo
Rocargo