KRALENDIJK- Mas i mas ta tendiendo ku tin un skarsedat agudo di hendenan ku ke traha den Horeca na Boneiru. Mirando e kantidat di proyekto ku ta den tapara, òf kasi kla, e skarsedat aki por bira mas grandi so.

Esaki ta nifiká tambe ku doñonan di trabou tin ku bira mas inventivo, ora ta traha reklutashon di empleado.

Pa e motibu aki, un promé ‘speed meet’ den sektor di turismo a tuma awe lugá 11 di novèmber 2021 di 10’or di mainta pa 2’or di mèrdia na Jong Bonaire. E ‘speed meet’tataba un inishativa di BONHATA, huntu ku TCB i Plenchi di Trabou.

Un kantidat tòg rasonabel di interesado a akudí na e aktividat ku na Jong Bonair, pero lo e no ta sufisiente pa por yena tur vakatura ku tei i lo sigui krese na Boneiru.