St. Eustatius ta eleminá medidanan kontra di COVID-19

ORANJESTAD- Entrante día 11 di mei e isla di St. Eustatius ta kita tur medida pa loke ta trata biahamentu pa ku e isla. 

For di e fecha ei biaheronan no mester pasa tèst mas pa biaha bai e isla. Esaki ta konta ámbos pa hendenan bakuná komo esnan ku no ta bakuná. Tampoko no ta nesesario mas pa yena deklarashon di salú ora ta biaha bai e isla. 

E kitamentu di medida sigur ta algu positivo pa e sector turístiko, ku a reklamá hopi riba e medidanan relativamente estrikto ku St. Eustatius tabata apliká te asina leu. Ta spera ku, awor ku a kita tur medida, mas bishitante lo biaha pa e isla atrobe. 

Pasashi karu

Otro problema ku St. Eustatius ta konfrontando ta e falta di buelo entre e isla i St. Maarten i tambe e prèis di pasashi ku por yega te na 325 pa un pasashi bai bin pa St. Maarten, ku ta kasi dòbel di loke ta paga entre Boneiru i Kòrsou.