KRALENDIJK –  E departamentu di enseñansa di Stinapa a start ku un programa nobo pa laga un grupo di hóben sera konosí ku naturalesa di e isla. FORSA ta un instituto ku ta akohé muchanan ku tin problema sosial of di komportashon.

E organisashon ta brinda guia den grupo, un fasilidat di bòns bèk i un mediadó kultural. STINAPA a uni forsa ku FORSA pa ofresé un programa edukativo kaminda nan ta haña lès paden i pafó pa siña di naturalesa di Boneiru.

Algun di e aktividatnan ta enserá identifiká piská durante ku nan ta snòrkel, eksplotá kuebanan i alabes gosa di e loke nan ta eksperensiá.