KRALENDIJK – Ayera mainta polis a deskubrí un Ford Raptor ku a keda pega na kantu 200 meter nòrt di e muraya di piedra di Hato, kousando daño na material i asta lèkmentu di disel den laman.

E team di STINAPA inkluyendo Chief Ranger Din, Senior Ranger Edgar, i Ranger Arthur, tabata na e sitio pa monitoriá e situashon. A saka e outo ku kran for di kosta, i a monitoriá e area pa sigurá impakto ambiental mínimo.

Mas aksidente

STINAPA ta nota tambe ku delaster lunanan tin un kantidat kresiente di aksidente, kaminda laman ta envolví. “Esaki por ta un peliger no solamente pa hende, pero tambe pa nos ref. Laga esaki ta un rekordatorio pa nos ta mas konsiente i kuidadoso ku nos naturaleza” asina STINAPA ta skibi den un komunikado pa prensa.