Sunayro Martina di 25 aña ta firma kontrakt ku New York Yankees

WILLEMSTAD – E hóben hungadó Yu di Kòrsou  Sunayro Martina a firma ayera un kontrakt ku New York Yankees. Mas detaye no ta konosí ainda.

Martina a nase na Hulanda i a muda pa Kòrsou huntu ku su mayornan na aña 2014. E ora ei numa el a kuminsá  hunga beisbòl na Montaña Abou serka entrenadó Sixto Laker.

Kuater aña despues, na 2018, Martina a kuminsá picha i na 2020 el a haña atmishon pa drenta pre-talent Academy di Henry Martinez, HMA.

Durante un kampeonato na Colombia Martina a sa di hasi impreshon riba skoutnan internashonal i a muda pa Repúblika Dominikana pa seis luna.

Ora el a regresá bèk Martina tabata hunga serka e hóbennan di Firebirds Kòrsou i na aprel el a logra un akuerdo ku New York Yankees.