PARAMARIBO – Surinam Airways ta bisa ku nan ta kontentu di anunsia ku nan a resumí nan bòltanan pa i for di Belém do Para for di 13 di desèmber 2023.

E kompania di aviashon tambe a amplia nan buelonan pa Miami pa seis bbiaha pa siman. E buelonan nobo pa Miami ta wòrdu kombiná ku e buelonan pa Aruba i Kòrsou. 

“Pa sera 2023 ku un otro punto klave, e destinashon Paramaribo – Barbados a bira parti di nos ret regional for di 20 di desèmber último. E ruta nobo aki lo ofresé dos buelo pa siman, riba djamars i djadumingu, konektando Paramaribo ku Georgetown (Guyana) i Bridgetown”, asina e kompania a bisa den un deklarashon.

Kòmbèk

Surinam Airways ainda ta luchando pa bini bèk for di un krisis profundo, ku a asta laga e aerolínia kasi dos aña sin un solo avion propio. Sinembargo, despues ku algún luna atrás e kompania a logra agregá un Boeing 737 i un Airbus A340 na nan flota, resientemente e kompania a risibí un di dos Boeing 737, loke a duna nan e abilidat pa amplia nan ret regional atrobe.