PARAMARIBO – Suriname Airways, SLM, a aunsiá plannan pa bula di nobo pa Trinidad i Tobago. Seis luna pasá, na mei 2022, el a suspendé su servisionan despues di a sirbi Port-of-Spain kasi tres desenio for di Paramaribo.
E kompania di aviashon ta bai bula ku e Boeing 737-800, ku el a introdusí resientemente komo avion di hür. E skema nobo di buelo regional ta bálido pa e periodo di 26 di mart te ku 5 di novèmber.
Komo konsekuensia di esaki e kompania di aviashon lo bai sirbi tres biaha pa siman e ruta Paramaribo – Georgetown – Miami i lo bolbe introdusí atrobe e buelonan di i pa Paramaribo – Port of Spain – Kòrsou dos biaha pa siman. Meskos ta konta pa e ruta Paramaribo – Aruba ku lo ta dos biaha pa siman.
E ampliashon di e posibilidatnan pa biaha ta parti di spesifikashon di e plan di rekuperashon, ku mester kondusí na un oumento di e potenshal di ganashi i e bienestar di SLM.
Kambio polítiko riba e islanan, pero backstage
Ministerio Públiko ta konfirmá denunsia di promé minister pa motibu di iregularidatnan na Kas di Aruba
Situashon di kasnan di kuido na Kòrsou no ta motibu pa intervenshon di Hulanda
Konsehal Bernabela ‘bidem’ pa falta di lugá pa stashoná su outo
