WILLEMSTAD – Ayera nochi a tuma lugá pa di dos biaha den un tempu kòrtiku un atrako na Supermerkado Arco Iris. Tres atrakadó armá i ku kapushon riba nan kabes a drenta e supermerkado na kuminsamentu di anochi i a eksihí plaka.

Testigunan a mira e atrakadónan prepará nan mes tras di e edifisio di e supermerkado i a yama polis mésora. Pero e atrako a bai asina lihé, ku ora ku polis a yega ya e atrakadónan a somentá.

Probablemente ta e benta di henter dia nan a bai kuné. Esei a sosodé tambe riba 10 di ougùstùs, na momentu ku Arco Iris a bira viktima di un atrako pa promé biaha.