Ta bolbe kita rekesito di PCR pa por biaha bai Kolombia

Bogotá- Kolombia a bolbe eliminá e rekesito di un tèst di PCR pa biaheronan internashonal ku ta yega e pais. Den transkurso di 2020, Colombia a kita e rekisito un biaha kaba.

E pais andino a hañele ta re-implementá e rekisito di e tèst na novèmber aña pasá despues ku algun siudadano bou di guia di e abogado Kolombiano Alberto González Mebarack a hiba gobièrno Kolombiano dilanti, bisando ku tabata iresponsabel pa laga biahero internashonal drenta e pais, sin prueba di un tèst negativo pa Covid.

E siman aki, Tribunal Administrativo de Cundinamarca, sinembargo a revoká e veredikto anterior, bisando ku e siudadanonan ku entamá e kaso no por wòrdu konsiderá komo representante legal di e pueblo Kolombiano i, segun Korte a bisa, tin otro medidanan pa logra un kambio den e rekesitonan ku Gobièrno ta apliká.

Boneiru

Esaki ta nifiká ku biaheronan di entre otro Aruba, Boneiru i Kòrsou por lo pronto lo no mester hasi e tèst di PCR mas, pa por biaha bai Kolombia. Ora di biaha bèk pa e islanan, sinembargo sí mester sigui hasi esakinan. Boneiru ta e úniko isla ku, banda di e PCR ta eksigí un tèst antígeno tambe.

Aktualmente ta EZ Air so ta bulando for di Boneiru i Kòrsou pa Colombia. E kompania ta bula entre Boneiru/Kòrsou tur djaluna i djabièrne. Banda di esei pa dia 31 di mart tin un buelo èkstra pa hendenan ku ke pasa Semana Santa na Colombia òf, na otro banda, Kòrsou òf Boneiru.

---

Lesa tambe:

• 
  Prevení Zika, Dengue i Chikungunya |Aviso pagá
• 
  Zorgtuin Gorssel a konta tokante eksperensia positivo ku trato di pashent ku Alzheimer
• 
  PVDA/GROENLINKS e partido mas grandi bou di votadónan Hulandes den eksterior
• 
  Pashasi pa i for di Boneiru lo bira un poko mas karu atrobe ku subida di tarifa di BIA
• 
  Persona ku un limitashon riba islanan BES ta haña mas derecho