Notisia

Ta buska i pone kachó ku a morde i mata kabritu na SGB drumi

KRALENDIJK – Djaweps mainta 10 di novèmber un insidente a tuma lugá unda un kantidat di seis kachó a morde i mata algun kabritu riba e tereno di skol di SGB SLP VSO. Kolaboradónan di Kuerpo Polisial Hulanda Karibense (KPCN) mas rápido posibel a bai na e sitio. Debí na e eskala grandi i sitio na unda e insidente a tuma lugá, gezaghèber i KPCN a disidí pa tuma akshon mesora. A disidí pa buska e kachónan i laga un veterinario pone nan drumi. A informá e doño di e kachónan, ku ya ta konosí, tokante e desishon aki.

Sinembargo, un responsabilidat grandi ta sinta serka e doño di e kachó mes. Doño di kachó por haña un but si no tene su kachó riba su propio tereno. Den algun kaso por kleim e daño hasí serka e doño di e animal. KPCN ke rekordá doño di kachó un biaha mas pa mantené kachó den kurá, pa medio di por ehèmpel un kurá stabil òf mara e kachó. Tambe ta konsehabel pa sosialisá un kachó. Un kachó mester di edukashon i treinen; e doño ta responsabel pa komportashon i entrenamentu di e kachó.

Próksimo siman Entidat Públiko ta inisiá ku e kampaña di informashon ku ta parti di e akshon amplio den fase pa kombatí e problema di kachó i pa garantisá bienestar di animal. Komo parti di akshon pa kombatí e problema di kachó na Boneiru, lo bai supervisá doño di kachó ku ta laga su kachó kana liber sin supervishon, mas aktivo.

Deel dit artikel
Rocargo
Rocargo
Rocargo
Rocargo