KRALENDIJK- Entra djaluna 8 di mart, ta eksigi un tèst di PCR di tur pasahero ku ta bula di Kòrsou pa Boneiru. Esaki ta inkluí ámbos residente i bishitante.

Te ku awor tabata tin un eksepshon pa residente di Boneiru ku tabata biaha pa Kòrsou pa 1 dia so, òf asta 1 dia ku 1 anochi. Ku introdukshon di e nivel di riesgo 5 den e medidanan pa ku Covid-19, esaki a kambia atrobe.

‘Tur hende ku ta biaha di Kòrsou pa Boneiru, mester bai hasi un tèst di PCR’ asina gezaghebber Edison Rijna a splika den konferensia di prensa djabièrne mainta.

Eksterior

Hende ku ta biaha pa Boneiru for di eksterior, manera for di Estados Unido òf Amerika Latina, tin ku presentá tambe un prueba di un tèst ‘anti-geen’, banda di esun PCR.

---

Lesa tambe:

• 
  Palu di lus a parti den dos; A sera parti di Kaya Papa Cornes
• 
  Servisionan i organisashonnan pa kuido di hende grandi a uni forsa pa huntu oumentá kalidat di bida di hende grandi
• 
  Minister Harbers ta hiba bishita di trabou na Aeropuerto Flamingo 
• 
  18 miyon èkstra pa ehekushon korekto di tarea na Boneiru, Saba, i Sint Eustatius
• 
  Registrá pa risibí bo faktura digital i bo konfirmashon di pago via meil