KRALENDIJK – Dutch Caribbean Nature Alliance (DCNA) a lansa su promé edishon di Bionews Kids, un revista di naturalesa grátis, imprimí i digital pa muchanan di edat di 9-11 aña riba e seis islanan di Karibe. 

E ta diseñá pa stimulá lesamentu, lanta kuriosidat i eduká muchanan tokante nos naturalesa ekstraordinario i su menasanan na e seis islanan di Karibe Hulandes. Esaki ta pa sostené e programanan di edukashon di naturalesa di e Organisashonnan di Maneho di Área Protehá na Aruba, Boneiru, Kòrsou, Saba, Statia i Sint Maarten. E promé edishon di BioNews Kids ta inkluí un konkurso di pintamentu i DCNA ta enkurashá tur mucha pa partisipá.

Tema: laman

Pa e promé edishon di Bionews Kids, e tema prinsipal ta e medioambiente marino. Muchanan por lesa entre otro tokante di refnan di koral, tanki di marea i pal’í mangel ku ta partikularmente spesífiko 

pa algun di e islanan i e abundansia di kriaturanan ku nan lo por topa. E revista ta inkluí tambe aktividatnan manera páginanan pa klùr, diario di playa i pùzel.

Ta haña e revista via: https://dcnanature.org/bionews-kids/