Kralendijk- Segun miembro di Konseho Insular Din Domacassé (MPB) gobièrnu di Boneiru ta lubidando konstantemente pa kiko e di dos V ta para den Landbouw Veeteelt en Visserij (LVV).

Esaki e konsehal a bisa den reunion di komishon fiho ayera tardi. “Ta parse ku kada bes ta lubidá riba e di dos V, ku ta para pa Visserij”, asina Domacassé a trese pa dilanti. Domacassé er sa kiko konkretamente Gobièrnu ta hasiendo pa e piskadónan. No ta promé biaha ku Domacassé ta menshoná entre otro ku no tin ‘slipway’ pa saka boto for di awa.

Bernabela no tabata pará su so ku su krítika. Konsehal Daisy Coffie, tambe a trese dilanti ku no ta hasiendo den su konsepto ‘nada’ pa e piskadónan na Boneiru. “I esei mientras ku a introdusí impuestonan nobo, hustamente pa krea fasilidat nobo pa e piskadónan”, asina Coffie a trese dilanti.

Konkreto

Lider i partido PDB, Clark Abraham, den reunionnan anterior, spesífikamente ora a trata proposishon pa hisa ‘opcenten’ riba entre otro vastgoedbelasting a trese dilanti, na vários okashon, ku e tabata ke mira eksaktamente na kiko BC lo a bai gasta e sèn ku e impuesto adishonal lo bai generá. Te asina leu, ta parse ku no por mustra riba nada konkreto, voral ora ta trata di a parti di peska na Boneiru.