Notisia

Ta posponé suavisashon di kondishonnan di biahe for di St. Eustatius i Saba

KRALENDIJK- Ta posponé temporalmente e suavisashon for di 12 di febrüari 2022 pa biaheronan for di islanan St. Eustatius i Saba pa Boneiru, ku apenas a kaba di anunsiá riba djaweps. 

Gobièrnu di Boneiru den un relato di prensa ta splika ku e islanan BES ta munisipionan spesial di Hulanda. “Pa kambia e kondishonnan di biahe pa e islanan ei, mester kana un otro kaminda ku pa Kòrsou,  Aruba i St. Maarten. I esei ta eksigí mas tempu. Asina ku suavisashon di kondishonnan di biahe pa biaheronan for di islanan BES pa Boneiru ta posibel, ta anunsiá esaki”, asina Entidat Públiko Boneiru (EPB) a komuniká djabièrnè anochi. 

Por lo pronto biaheronan ful bakuná k uta biaha for di Saba i St. Eustatius pa Boneiru mester sigui hasi un tèst di PCR dentro di 48 ora promé ku salida òf dentro di 24 ora promé ku salida un tèst antígeno. 

Biaheronan no ful bakuná for di Saba i St. Eustatius mester hasi un tèst di PCR dentro di 48 ora promé ku salida. 

Aruba, Kòrsou i St. Maarten

Gobièrnu ta enfatisá ku e suavisashon di kondishonnan di biahe pa pasaheronan for di Kòrsou, Aruba i St. Maarten ta keda na vigor.  For di 12 di febrüari 2022 pasaheronan ful bakuná for di e islanan ei no mester hasi tèst antígeno òf di PCR promé ku salida pa Boneiru. 

Tambe EPB ta klarifiká ku ta konsiderá persona ta ful bakuná si el a pasa dos angua di corona. 

Deel dit artikel
Rocargo
Rocargo
Rocargo
Rocargo