Notisia

Ta selebra Dia Internashonal di Idioma Materno 

Ta selebra Dia Internashonal di Idioma Materno 

KRALENDIJK – Dia 21 di febrüari próksimo ta Dia Internashonal di Idioma Materno. Pa tal rason gobièrnu di boneiru ta selebrá esaki djabièrnè awó. Den e kaso aki pa loke ta trata Boneiru, ta referí na nos idioma papiamentu.  Papiamentu ta un idioma usá den tur gremio di nos komunidat i pa un gran mayoria di nos poblashon aki na Boneiru, sea nasé aki òf nò.

Djabièrnè awó 18 di febrüari próksimo SKAL huntu ku Fundashon Akademia Papiamentu ta organisá un diktado eskolar entre skolnan básiko, esaki ta tuma lugá di 2’or pa 4’or di trai mèrdia. E mesun dia tambe lo tin un diktado pa públiko general di 7’or pa 9’or di anochi, esaki ta tuma lugá na Gran Chaparal situá na kaminda  Sorobon.

Meta prinsipal

Meta prinsipal di e diktadonan ta pa stimulá konsientisashon pa bon uso di Papiamentu segun ortografia ofisial. P’esei un invitashon na e pueblo di Boneiru pa partisipá na e diktado pa públiko general.

Desaroyo positivo 

Ta bon pa menshoná ku tin diferente desaroyo positivo riba e tereno di idioma materno na Bonaire. Na e momentu aki partidonan tantu na Hulanda komo na Boneiru mes a inisiá un ruta pa rekonosementu di Papiamentu bou di e pakto Oropeo pa idioma regional òf idioma di minoria. E ta un lucha ku organisashonnan manera Akademia Papiamentu i Splika pa hopi tempu a hiba i awor ta mirando su resultado.  

Maneho di idioma

E aña aki tambe gobièrnu lo bin ku un maneho di idioma pa Boneiru.  Ta haña importante pa nos pueblo por lesa den nan mes idioma. Un lugá ku sigur tin ku fasilitá den esaki ta nos biblioteka públiko Boneiru. 

Deel dit artikel
Rocargo
Rocargo
Rocargo
Rocargo