Ta sigui traha riba kondishonnan klimátiko den edifisio di KPCN na Playa

KRALENDIJK- Lo sigui traha riba edifisio di Korps Politie Caribisch Nederland (KPCN) na Playa, pa asigurá ku tin un kondishon klimátiko seif pa e empleadonan. 

E adaptashonnan na e edifisio ta basá riba keho di trahadónan tokante e ambiente di trabou. Un investigashon ku Rijksvastgoed Bedrijf (RVB) a ehekutá algun tempu atras a revelá ku tabatin un konsetrashon haltu di beskein (schimmel) ku tabata influensiá kalidat di aire. 

Medidanan inmediato a tuma lugá, ku a resultá den algun mehorashon. Sinembargo, tabatin algu retraso den e medidanan di termino mas largu. 

KPCN, RVB i sindikato NAPB ta trahahando huntu pa garantisá un ambiente di trabou salú i sigur. Reunionnan resiente a konfirmá ku e edifisio ta seifi e trahadónan a bolbe na trabou. Si a muda algún departamento pa otro partinan di e edificio, komo medida preventivo. 

Informashon

KPCN ta primintí ku lo sigui duna informashon tokante e situashon, segun esaki ta desaroyá.