Notisia

Ta trese Churendy C., sospechoso den kaso di asesinato di Boechi, Kòrsou

WILLEMSTAD – Polis Hulandes ta konfirmá ku pronto ta trasladá e Yu di Kòrsou di 44 aña, Churendy C, ku a arestá siman pasá na Vlaardingen, pa Kòrsou.

Ta sospechá Churendy C. di enbolbimentu den asesinato di Ruchendell Windster, mihó konosí komo Boechi. A asesiná e rèpdó di 30 aña na luna di dezèmber di aña pasá despues di un aktuashon na Kòrsou.

E tabata kanando ta bai su outo ora ku a tira vários biaha riba dje. E artista tabata biba na Tilburg i tabata na Kòrsou pa algun konsierto.

Investigashon di e departamentu di krimen organisá na Kòrsou a kondusí na tres entrada den algun bario riba e isla kaminda a konfiská material di prueba.

A imponé restrikshonnan pa e sospechoso, su abogado so por tin kontakto kuné.

Deel dit artikel
Rocargo
Rocargo
Rocargo
Rocargo