Notisia

Talentonan den shou di teater interaktivo di Unicef

KRALENDIJK – Archell Thompson ta na Boneiru i ta organisá mañan un shou di teater interaktivo den e kompleho di Jong Bonaire. E kontadó di kuenta profeshonal i aktor di teater di Kòrsou ta hasi esei den kolaborashon ku Unicef.

E programa yama Show your Talent, kaminda mayornan, tutornan i muchanan ta haña e oportunidat pa presentá un espektákulo di nan eskoho riba tereno di músika, baile, poesia i komedia.

Tempu di kalidat 

Ta kompartí aktividatnan, ku e famianan gusta hasi huntu, awor riba podio, Unicef ta bisa. E shou ta un kontinuashon riba e mini-dokumentarionan tokante tempu di kalidat ku a traha ku koperashon di famianan na Boneiru, St. Eustatius i Saba.

Unicef Hulanda a suprayá un aña largu e importansia di pasa tempu huntu ku otro. Show your Talent ta parti di un kampaña ku a inisiá riba 28 di mei aña pasá ku World Day of Play i resientemente a kontinuá ku e mini-dokumentarionan ku a kompartí via medianan sosial. Show your Talent ta e gran final di e kampaña tokante tempu di kalidat.

Públiko ta bonbiní mañan pa bin wak. E shou di Show your Talent ta kuminsá 6’or di atardi na Jong Bonaire.

Deel dit artikel
Rocargo
Rocargo
Rocargo
Rocargo