Notisia

Tayér riba tribon i manta den área di Karibe

PHILIPSBURGH – Caribbean Shark Coalition ta organisá e siman aki e promé tayér regional na Sint Maarten tokante tribon i manta. E meta ta pa krea kapasitashon pa sensia i protekshon pa tribon i manta den área di Karibe.

Mas ku binti persona, konsistiendo di sientífiko, buseadó, konservadó di naturalesa, funshonario di gobièrnu, studiante i operadó di parkenan marino for di diesdos diferente pais den e área di Karibe ta partisipá.

Caribbean Shark Coalition

Dutch Caribbean Nature Alliance (DCN) i Beneath the Waves, (BTW) a lanta Caribbean Shark Coalition (CSC) den  2020 komo reakshon riba yamadanan internashonal pa mehorá e esfuersonan ku ta hasi huntu pa konservá tribon i manta den e área di Karibe.

Importansia

E tayér ta un ehersisio pa sostené, guia, duna konseho i fasilitá rekursonan tantu virtual komo personal pa investigashon den futuro. CSC ta hasi un intento pa na final di e tayer tur partisipante regresá nan lugá ku eksperensia práktiko i entrenamentu adekuá pa investigá konservashon di tribon i pa nan tin e guia i e instrumentunan nesesario pa desaroyá nan propio proyektonan

(Foto credit: Sami Kattan, Beneath the Waves)

Deel dit artikel
Rocargo
Rocargo
Rocargo
Rocargo