Kralendijk- Djaluna atardi Tourism Corporation Bonaire (TCB) a rekonosé e selekshon di futbol U-14 ku a partisipá den ‘Caribbean football union challenge series’ i a sali kampion aya na Repúblika Dominikana komo embahadornan di Boneiru.

CEO di TCB, Miles Mercera huntu ku Miss Tourism Bonaire, Sunniva Manuel i Diputado James Kroon a risibí e hobennan na nan yegada na aeropuerto djaluna atardi. E hobennan i coachnan a risibí un medaya di oro i tambe un ‘goody bag.’ E tim tabatin un energía positivo i nan entusiasmo tabata kontagioso.

E tim ta konsistí di: Sifmar Sint Jago, Amir Winklaar, Jeremy Jimenez, Timothy Richards, Rendrick Martis, Jurion Ascencion, Deyon Martijn, Milan Blanken, Rhiordan Piar, Melchi Biante, Corbin Pourier, Noah Martha, Zacaria Lopez, Jaydrien Kopra, Jaydriel Kopra, Jachquis van Horne, Caylen da Silva i Raemian Janga.

Coachnan: Jermaine Windster Head Coach, Shahairo Oleana Assistant Coach i Rendel Bernabela Assistant Coach.

Jehan Pourier-Martis, Team Manager, Daliza Rozenkrans masahista i Ludwig Balentin Team Head of Delegation.

Orguyoso

“TCB ta yama pabien na e hobennan i e delegashon ku a kompaña nan, nos ta orguyoso ku bosnan a saka kara di Boneiru aya na República Dominicana i a trese bèk e título máksimo. Tur bon deseo pa sigui representá Boneiru den eksterior”, asina TCB a laga sa.