TCB ta reuní ku partnernan den turismo durante bishita na Hulanda i Bélgika

Kralendijk – Resientemente Tourism Corporation Bonaire (TCB) a kompletá un ‘sales blitz’ na Oropa kual tabatin enfoke riba e dos merkadonan mas importante kual ta Hulanda i Bélgika. Komo parti di e siklo di planifikashon 2022, TCB a bishitá e partnernan den turismo di mas importante den e merkado. E ‘sales blitz’ a tuma luga di 2 pa 6 di òugùstus 2021.

E meta di e seri di reunionnan tabata pa komprondé mihó e produkshon aktual premirá pa Boneiru, resultadonan di funshonamentu, strategíanan implementá di kooperativonan i oportunidatnan pa koleborashon. Tambe TCB a tuma tempu pa komparti e detayenan di ‘Tourism recovery plan’ i nos vishon di turismo pa futuro.  Segun TCB su CEO, Miles Mercera “Nos ta den e fase di komienso di nos enfoke nobo pa reposishoná Boneiru i nos ta konsiente ku nos no por hasi esaki nos so, nos mester pa nos partnernan den merkado kompronde nos enfoke basá riba balor i vishon pa por kontinuá.”

TCB a tuma oportunidat pa komparti e último desaroyonan riba nos isla manera e estudio di kambernan disponibel. TCB a reuní ku e siguiente partnernan durante e siman, TUI Netherlands, KLM, DuikenInBeeld.tv, Avila Reizen, Reismedia Group, Live2Travel, TravelWorld, TravelPro, TravMedia, Duiken, Bon Travel pa nombra algun.

TCB lo kontinuá ku e tipo di reunionnan aki den futuro ku un enfoke riba e merkadonan mas importante pa Boneiru. TCB ta antisipá un temporada fuerte di wenter for di nos merkado Oropeo komo parti di nos ‘Tourism Recovery plan’.

Lesa tambe:

• 
  PDB ta instalá komishon pa sondea posibilidat ku otro partidonan
• 
  Programa di NOS-TV ‘Boneiru Ta Vota’ a yega su fin
• 
  Kambio polítiko riba e islanan, pero backstage
• 
  Apelashon pa dos hóben ku a trapa dos persona mata na Kaminda pa  bai Westpunt
• 
  E hòmber ku nan a maltratá seriamente den luna di yanüari na Aruba a fayesé