Boneiru

Tim di ABC Online Media ta siguiendo trayekto di profesionalisashon Stimuleringsfonds voor de Journalistiek

E tim di ABC Online Media durante e seshon di djabièrnè, dirigi pa e coach di SVDJ, Devid Ilievski (man robes, ariba). Pòtret: ABC Online Media

KRALENDIJK – E tim di ABC Online Media, ku ta responsabel pa diferente website di notisia manera Bonaire.nuAwor.nu i The BES Reporter, a finalisá un seshon di entrenamiento di dos dia e wikènt aki, komo parti di un trayekto di profesionalisashon mas largu ku ta wòrdu ofresé pa e Stimuleringsfonds voor de Journalistiek (SVDJ).

E seshon di entrenamiento di dos dia ku a tuma lugá na Boneiru ta e punto kulminante di un trayekto di coaching ku dura kasi 12 luna i ku ta dirigí spesífikamente riba medionan di prensa lokal privá. E trayekto ta wordu organisá i supsidiá pa SVDJ.

Un detaye important ta ku e tim di ABC Online Media ta e úniko team pafó di Hulanda Europeo ku ta siguiendo e treinen.

“Ora mi a tende tokante es posobilidat aki, mi tabata entusiasmá mesora,” asina Sylvia de Leon, direktor di ABC Online Media a bisa. “Mi no tabata sigur si nos, komo un kompania na Karibe hulandes, lo por a partisipá, pero mi a tuma e kurashi di skibi SVDJ i ku un resoltado positivo!”.

Coach

Bou di liderasgo di coach Devid Ilievski, e tim di ABC Online Media a traha durantenan luna tras di lomba riba formalisashon di un statuto di redkashon, riba diferente inisiativa nobo, formamentu di grupo di enfkoke di lesadónan, i riba e mehorashon kontinuo di e kalidat di e sitionan di notisia. Ademas, hopi informashon teóriko a wòrdu partí tokante e manera pa hiba periodismo den merkado lokal i kon pa keda relevante.

Entusiasmá

Ilievski, ku a bula bin spesialmente pa e seshon di entrenamiento físiko, tambe ta sinti su mes hopi entusiasmá pa e resultadonan ku a logra te awor aki. “Mi a haña e dianan hopi interesante, produktivo i di gran balor. E tim di ABC Online Media tin hopi kos na òrdu kaba, ta hopi motivá i dediká. Mi ta haña dushi ku  mi por aportá mi granito na e proseso aki,” asina Ilievski a bisa. 

Deel dit artikel
Rocargo
Rocargo
Rocargo
Rocargo