Notisia

Tin 18 kaso aktivo di Covid-19 na Boneiru awe

KRALENDIJK – Tin 18 kaso aktivo di Covid-19 na Boneiru awe 30 di yüli 2021. Di e 316 resultadonan di tèst ku a drenta dos a resultá di ta positivo. E dos persona ku a tèst positivo ta hende lokal. E kantidat di tèst ta haltu pasó ta tèst tur pasahero ku ta bini for di paisnan di riesgo hopi haltu despues di sinku dia di nan yegada. Tres persona a rekuperá di Covid-19.

Pa mas informashon tokante biahe, paisnan di riesgo i reglanan aktual: www.boneirukrisis.com.

Ta importante pa ora bo tin keho bai tèst. Importante ta pa keda warda den karentena. No sali pa bo no kontagiá otro persona. Keda kas pa no kontagiá otro persona pafó. Pa baha e sifra di kontagio ta importante pa mantené e reglanan di higiena. Tene 1,5 meter distansia i laba man ku awa i habon pa evitá kontagio ku e vírùs di corona. 

Bo tin keintura, doló di garganta òf kualke otro síntoma relatá na Covid-19? Keda bo kas i yama 0800-0800. Mantené e instrukshonnan di higiena. Kome salú, drumi sufisiente i move regular pa hisa bo resistensia. Kuida bo mes i esnan rònt di bo. 

Deel dit artikel
Rocargo
Rocargo
Rocargo
Rocargo