Tin pregunta serio rondó di dekalarshon di akountent pa kuanta anual di Entidat Públiko Boneiru

KRALENDIJK – Tin kuestionamentu den konseho insular di Entidat Públiko Boneiru (OLB) tokante e deklarashon di aprobashon di akountent eksterno, Astrium pa loke ta trata kuenta anual 2022.

E kuestionamentu ta relashoná ku e gastaumentu sin autorisashon previo i no-presupuestá di kasi siete mion dollar pa un supuesto plan di senioridat. E kantidat aki no a ser aprobá pa e konseho insular, ni a wòrdu tratá durante diferente kambio di presupuesto ku a ser aprobá pa konseho insular pa loke ta trata e aña 2022.

Pregunta ku a ser dirigí na e kompania di akountent resultá den un memorandum durante e wikènt, ku Awor.nu a mira, pero hopi kosnan no a keda muchu kla. “Si ta resultá ku e gastunan aktual manera a ser mustrá den e kuentanan finansiero ta mas haltu ku e kantidatnan presupuestá, inkluyendo e último kambio di presupuesto, por tin gastunan sin autorisashon.  E gastamentu di mas plaka di loke tabata presupuestá por sosodé si esaki tin outorisashonmanera ta reglamentá den Leynan WolBES i FinBES,” asina Astrium Overheidsaccountants ta skibi den un memorandum sin firma fechá riba 9 di yüli 2023.

Atrium ta sigui skirbi tokante e plan di senioridat: “Den e desishon aki a asumí eroneamente ku e gastunan di e plan di senioridat lo ser kargá na e añanan fiskal 2022-2027 (momentu di pagon di remunerashon mensual).

E desishon ta tuma na konsiderashon e kubrimento di (parti di) e gastunan for di e presupuesto regular 2022 ($600,000) (i e presupuesto di varios añanan 2023-2025 ($750,000 pa aña). Tambe ta suponé un sierto sparmentu di gastu. 

Irregularidat di presupuesto

Astrium despues ta skirbi ku e kompania a konkluí ku en realidat tin un iregularidat presupuestario, pero esaki no ta resultá automátikamente ku no ta duna aprobashon a e kuenta anual. “Pa e formashon di un opinion final ta importante pa sa den ki grado e kantidat ku a gasta di mas ta kuadra ku maneho formulá pa e konselho insular i/o ta ser kompensá ku entrada mas haltu relashoná ku e gastunan. Determiná si i kon e gastamentu di mas sèn ku presoupesta ta problemátiko òf no, ta keda na Konseho Insular, na momentu ku nan mester aprobá e kuenta anual.”

Kritiko

Lider di oposishon Clark Abraham ta hopi krítiko tokante e situashon ku a surgi i tambe e echo ku Astrium no a mara konsekuensianan na gastamentu di plaka no presupuestá. “Mi por konkludí ku kasi siete mion a ser gastá di mas, sin ku a ser inkluí den e presupuesto. E argumento di Astradius ku esaki por ta basá riba polisanan formulá pa Konselho Insular no ta korekto. Konselho insular no tabata na altura di e akuerdonan ku a ser hasí pa loke ta trata areglo di senioridat. E anterior Kolegio Ehekutivo i en partikular diputado Hennyson Thielman a aktuá ilegálmente i a gastá mionnan mas ku e suma originalmente presupuestá. Ta trata aki di un diferensia 39% riba e pòst relevante. Esaki ta un diferensia hopi grandi!”

Abraham tambe ta bisa ku BC a keda ku hopi oportunidat pa proponé un kambio di presupuesto pa koregí e situashon tokante e plan di senioridat. “Pero e BC a aktuá di forma unilateral i a tene informashon importante for di e Konseho Insular.”

Lídernan di otro frakshon den konselho insular ta bisa ku nan a keda inisialmente bou di impreshon ku Hulanda lo a kubrí e gastunan relashoná ku e plan di senioridat. Sinembargo, e pensamentu aki a  resultá di no kuadra ku berdat.