Aerolinea i biahamentu

Tin un situashon tenso ta reina na WINAIR

Un avion di Winair na aeropuerto di St. Eustatius. Pòtret: ABC OnlineMedia

Philipsburg- Tin un situashon di tenshon kresiente na e kompania di aviashon di St. Maarten Winair, dor di diferensia di opinion entre e grupo di piloto ku nan sindikato, i gerensia di e aerolínia.

Den kuadro di e situashon rondó di e pandemia, Winair a disidí di redusí ora di trabou i pago pa su empleadonan. Tur empleado, i gerensia inkluí, ta traha 25% ménos, pero ku konsekuensia ku ta paga ménos salario tambe.

E pilotonan ku nan sindikato a mustra ku den promé instante nan tabata tin komprenshon pa situashon, pero awor ku e kompania a kuminsá ehekutá mas buelo atrobe, e situashon di salario tambe lo mester normalisá. Segun gerensia ta bisa, lo por dura bastante tempu mas, prome ku e situashon na e aerolínea ta bira manera antes.

Operashon minimal

“Nos ta operando na 20% di nos kapasidat, kompará ku e situashon promé ku komienso di e pandemia”, asina Winair a bisa den un relato di prensa djaluna atardi.

E kompania ta bisa ku, tumante e situashon na kuenta, no por ekskluí ku lo por yega na akshon di parti di e pilotonan i nan sindikato. Winair ta mustra sinembargo ku nan no tin otro opshon, si no di kòrta gastu di forma hopi drástiko.

Tambe e kompania ta preparando otro petishon di ayudo finansiero na Hulanda. Algun luna atras, Winair ya kaba a haña un fiansa di emergensia di parti di Hulanda di 3 mion dòler. Gerensia di Winair ta bisa ku nan ta premirá ku esaki lo no ta sufisiente.

Deel dit artikel
Rocargo
Rocargo
Rocargo
Rocargo