Kralendijk- Djaweps a mira un eksitoso presentashon di parti di Tourism Corporation Bonaire (TCB) huntu ku representante di University of Curaçao (UoC), ku a tuma lugá na Captain Don’s.

E presentashon a duna informashon na interesadonan pa like ta trata un estudio na nivel di Bachelor den International Hospitality and Tourism Management (IH&TM).

Un estudio ku TCB a hasi resientemente, ta mustra ku lo tin un kresementu basta grandi den kantidat di kamber na Boneiru i ku konsekuentemente lo mester di 1000 trahadónan adishonal. Lógikamente kapasitashon di empleado pa e kuponan di trabou ku ta biniendo, lo ta un parti importante di e desaroyo aki.

Último añanan tambata tin masha poko atenshon pa entrenamentu i kapasitashon den sektor hotelero na Boneiru.