Kralendijk – Tourism Corporation Bonaire huntu ku BONHATA i Entidat Publiko (OLB) lo lansa e programa di ‘Bonaire Friendly Safety Seal’ (BFSS) riba nos isla.  E programa di sertifikashon aki lo duna nos i nos bishitantenan un sentido di seguridat durante nan estadíia den e parti di salú i seguridat.

E meta di e programa di sertifikashon ta pa mehorá e protokòlnan di higiena i seguridat rònt Boneiru i sigurá, ku negoshinan lokal den sektor turistiko ta kumpli ku e standartnan relashoná ku e programa ofisial di ‘Bonaire Friendly Safety Seal’ (BFSS).

Pa por wòrdu rekonosí i pa risibí e serifikado di BFSS, negoshinan lo tin ku atherí na diferente protokòl, pólisanan, i inspekshon ‘on-site’. Ora ku e asesornan duna aprobashon, e negoshinan lo risibí e ‘seal’ ofisial di oro, kual lo mester wòrdu desplegá na e negoshi, i tambe riba nos plataformanan ònlain.

E programa di BFSS a ser kreá dor di TCB i ta ser akreditá i rekonosé dor di Qesh Services. Qesh Services tin mas di 20 aña di eksperensia profeshonal pa implementá manehonan di sistema den kalidat, bienestar, seguridat i salú.

Lo tin 10 diferente kategoria ku negoshinan por skohe for di dje: Akomodashon, Kasino, Car Rentals, Operador di tur, Operador akuátiko, Taksi, Restorant, Food Trucks, Pakus i Spa/Salon.

E programa di BFSS ta planiá pa wòrdu lansá den luna di mei 2021, kuminsando ku seshonnan di training pa e asesornan. Siguí pa e ‘pilot program’ kaminda ta enkurashá un negoshi di kada kategoria pa partisipá. E sekuensia di implementashon di e proyekto aki ta den su fase final pa konfigurá e programa. Otro siman lo anunsiá kon i na unda negoshinan por registrá pa partisipá den e programa di BFSS. E programa di BFSS ta derivá for di e ‘Tourism Recovery Plan’ i ta wòrdu koordiná i implementá dor di TCB.

---

Lesa tambe:

• 
  Por deskubrí historia di antepasadonan ku e buki ‘Archivo Spièrtá’
• 
  ZJCN ta introdusí mehorashon den seguro médiko pa islanan BES 
• 
  Marco van de Kreeke bèk na aeropuerto Flamingo komo di dos direktor 
• 
  Otro charla mas pa mayornan tokante uso seif di medionan sosial serka mucha
• 
  Entrega di Kalènder 2025 “Ban Topa Nos Grandinan” na Gezaghèber John Soliano