Kralendijk – Djasabra proksimo 5 di yüni, Boneiru lo yama bon biní un biaha mas na buelonan direkto di American Airlines i Delta Airlines for di Miami i Atlanta despues di 15 luna sin operashon debí na e pandemia.

Ta antisipá 250 pasahero riba e promé buelonan djasabra awor. Pa e okashon spesial aki, Tourism Corporation Bonaire (TCB) den kolaborashon ku vários partner lokal ta preparando pa duna nos bishitante nan Merikano un kaluroso bon biní na nos dushi Boneiru.

Na yegada di e buelonan, nos bomberonan lo saludá ku un “water salut”, tambe lo tin entretenimiento kultural i regalo ku lo keda otorga na nos bishitante nan.

Miss Turismo Sunniva Manuel i promé finalistá Jadeanne Schoop tambe lo tei presente pa saludá nos bishitante nan.

TCB ta ansioso ku e regreso di e buelonan direkto for di Merka pa Boneiru. TCB lo sigui enfoká riba inisiativanan di merkadeo pa futuro, pa sigui promové Boneiru riba mapa internashonal pa rekuperá nos sektor turístikó.

---

Lesa tambe:

• 
  Por deskubrí historia di antepasadonan ku e buki ‘Archivo Spièrtá’
• 
  ZJCN ta introdusí mehorashon den seguro médiko pa islanan BES 
• 
  Marco van de Kreeke bèk na aeropuerto Flamingo komo di dos direktor 
• 
  Otro charla mas pa mayornan tokante uso seif di medionan sosial serka mucha
• 
  Entrega di Kalènder 2025 “Ban Topa Nos Grandinan” na Gezaghèber John Soliano