Notisia

Trabou urgente riba kaminda temporal entre Kaya Amsterdam i Kaminda Djabou

Ainda no tin klaridat kiko ta bai sosodé ku e rotònde. Potrèt: AworBonaire.nu

Kralendijk – Entidat Públiko Boneiru (EPB) ta informá komunidat i spesial outomobilistanan i siklistanan pa tene kuenta ku djárason 7 di aprel trabounan urgente di mantenshon ta tuma lugá riba e kaminda alternativo entre Kaminda Amsterdam i Kaminda Djabou.

Mirando e mal estado di e kaminda tin ku drecha esaki urgente. Ta kuminsá traha mainta 7 di aprel na e rotònde na Kaya Amsterdam. Lo duna tráfiko un ruta alternativo ku ta indiká ku bòrchinan. 

Rotònde

E trabounan na e rotònde nobo ku ta konstruyendo pa basta tempu ta pará, poniendo ku automobilistanan mester sigui usa e kaminda temporal. Aunke tin hopi rumor ta kore rònt ku e rotònde lo ta mal konstruí, gobièrno no a saka komunikashon ofisial tokante estado di e rotònde ku mester a habri komienso di e aña aki.

Deel dit artikel
Rocargo
Rocargo
Rocargo
Rocargo