Trabounan di kobamentu den Kaya Grandi ta sigui apesar di lockdown

Kralendijk – Water- en Energiebedrijf Bonaire (WEB) ta informá ku djaluna 22 di mart 2021 ta kontinuá ku e trabounan di kobamentu pa ku renobashon di e liña di irigashon (9e EDF) den Kaya Grandi. Trabounan di kobamentu lo sigui apesar di e lockdown.

E trabounan

E trabounan di kobamentu ta sigui den Kaya Grandi i Kaya Gobernador N. Debrot for di Littman ku direkshon Donna & Giorgio (Kaya Princess Marie).

Fecha: 22 te ku 29 di mart 2021
Orarionan di trabou: 07:00 am te ku 04:00 pm

Pa por ehekutá e trabounan aki bon i seif, Kaya Grandi ta keda parsialmente será pa outomobilista. Durante e trabounan e aseranan lo keda aksesibel pa peaton, miéntras ku outo i tráfiko di karga su ruta ta desviá. Nos ta pidi bo koperashon pa lo siguiente:

Tenemasespasioposibelliberdilantidibonegoshi/òflugádiparker durante di trabounan.

Kita bo outo / outo di kompania na tempu en konekshon ku trabounan.

Tene kuenta ku tempu èkstra na momentu di transportá, karga òf deskargá

Protehá bo bentana i portanan pa eventual stòf gròf. En konekshon ku e trabounan aki ta posibel ku negoshi i abitantenan por eksperensia stòf gròf i zonido duru. E kontratista Bonairiaanse Wegenbouw Maatschappij (BWM) ta traha kontinuamente pa redusí e molèster den e área.

E tim di proyekto 9e EDF ku WEB komo supervisor ta hasi su máksimo esfuerso pa terminá e trabounan den e tempu stipulá i di antemano ta pidi su diskulpa pa kualkier inkumbiniensia ku esaki por trese kuné.

---

• 
  Direktora di BHM: Gerensia di Selibon ta responsabel pa kuentanan anual
• 
  For di investigashon a resultá ku Hulandesnan Karibense ta satisfecho apesar di prosperidat material mas abou     
• 
  Opinion Arthur Sealy: Inovashon den enseñansa
• 
  Dudley Wedervoort a wòrdu nombrá komo mènedjer na Fondo di Penshun Karibe Hulandes (PCN)
• 
  Prevení Zika, Dengue i Chikungunya |Aviso pagá