KRALENDIJK – Siman pasá 35 trahadó di Sentro di Detenshon i Korekshon Kòrsou (SDKK) a hiba un bishita riba propio disponibilidat pa Boneiru, kaminda nan a pasa na vários organisashon hudisial.

Nan a haña un rekorido na entre otro kuerpo di bombero Hulanda Karibense (Brandweerkorps Caribisch Nederland, BKCN), na kuerpo polisial Hulanda Karibense (Korps Politie Caribisch Nederland, KPCN) i na Instituto Hudisial Hulanda Karibense (Justitiële Inrichting Caribisch Nederland, JICN). E meta di e bishitanan aki tabata pa haña un bista mas mihó di e diferente tareanan i manera di traha den kadena hudisial na Boneiru.

Un bishita na Fundashon Krusada tambe tabata parti di e programa. Tantu servisionan lokal komo e koleganan di Kòrsou ta mira bèk riba un bishita útil i balioso.