Notisia

Traslado médiko pa Colombia ta keda posibel  

Traslado médiko pa Colombia ta keda posibel  
Mandamentu di pashènt pa Colombia ta keda posibel ku avionan di Air Ambulance. Pòtret: ABC Online Media

BOGOTA/KRALENDIJK- Ministerio di Salubridat Públiko di Colombia a anunsiá e kondishonnan ku ta hasi entrada posibel pa pashèntnan for di eksterior ku mester di asistensia médiko na Colombia.

E siguiente kondishonnan ta aplikabel pa pashèntnan di covid i esnan sin covid ku ta un emergensia médiko. Mester trasladá e pashèntnan aki den ambulans aéreo òf buelo médiko di charter, kual ta nifiká ku nan ta haña eksonerashon pa prueba di e vírus di corona i bakunashon. Den e kasonan di emergensia aki, ta obligatorio pa tin un deklarashon médiko di e dòkter ku a trata e pashènt i ta mand’e Colombia. 

Kuido elektivo

Pa tratamentu ku no ta di emergensia, e pashènt mester ta kompletamente bakuná òf mester tin un bakuna ku un prueba di corona negativo. E bakunanan mester ta mas bieu ku 14 dia.

Tur pashènt mester kumpli ku e kondishonnan establesé pa e gobièrnu di Colombia. ZJCN i e hospitalnan di Hulanda Karibense ta na altura di e kondishonnan aki. Nan ta keda konstantemente den kontakto ku e hospitalnan na Colombia pa verifiká disponibilidat di kama.

Deel dit artikel
Rocargo
Rocargo
Rocargo
Rocargo