Notisia

Tremendo bon biní pa Fittipaldi Pietersz na Aeropuerto Flamingo

Pietersz mei mei di tur hende ku a bin yamele bon biní na aeropuerto Flamingo. 

KRALENDIJK – Djarason atardi, grupo di hende a presentá na aeropuerto Flamingo pa spera yegada di Fittipaldi Pietersz, ku a sali sup kampion na Merka den dragrace. 

Pietersz a kore den un di e diferente kategorianan ku tin, esta Street ET. Grupo di brasbènt The Boyz a pone ambiente na e okashon yegada di Fittipaldi Pietersz i koredornan di motosaikel tantu Harley Davidson i sportbikenan tabata presente. 

Despues nan a hasi un paseo den diferente bario i terminá na un sitio, dal un salú di e premio. Na altura di brantwer kazèrne, nan a hasi poko bochincha di atenshon, loke sigur a kai na agrado di Fittipaldi. 

E ta yama un mion di danki na tur ku tabata presente na su yegada, tambe diputadonan ku a bisa nan no por tabata presente, pero si a tuma kontakto kun’é. James Kroon, a bèl Fittipaldi for di momentu e tabata na Merka, un dia despues di a gana aya. 

Danki

Pietersz a yama danki tambe nan su spònsernan manera NAPA i R&L Exporting, primu Nel i su esposa pa e aporte risibí.

Deel dit artikel
Rocargo
Rocargo
Rocargo
Rocargo