ORANJESTAD- Tres agende polisial di Korps Politie Caribisch Nederland (KPCN) na e isla di St. Eustatius a risibí un promoshon. Minushka Woodley i Juan Carlos Spanner a bira brigadir i agente Frank Nous a haña un promoshon pa kaba kurso di polis di bario.

Riba 22 di mart a tene un seremonia ku presensia di hefe di kuerpo polisial pa Karibe Hulandes, Jose Regales, hefe di politiebasiszorg na St. Eustatius Robelto Hodge, Hefe politiebasiszorg di Saba Wingrove Baker, konsehero di komunikashon di KPCN Milushka Hansen i agentenan Myriana Sintiago i Zackary Janga.

Pa motibu di salú, ni Spanner, ni Nous no tabata por ta presente. Ozzie Spanner na nòmber di su yu Juan Carlos a risibí e diploma di Spanner, i Hodge a risibí esun pa Nous.

Sintiago ya kaba a risibí su diploma. Ounke ela sigui e kurso huntu ku Woodley i Spanner, ela risibí su diploma na Boneiru kaba.