Willemstad- Kòrsou a konosé un dia hopi malu i tristu ku un kantidat di tres morto riba un dia pa motibu di Covid-19. Tur tres viktima fatal di Covid-19 tabata hende no-bakuná.

Na mes momento awe Kòrsou tin 78 kaso nobo di Covid-19. Di esakinan 6 ta bishitante, i e sobránan ta hende lokal.

Ya ku tin mas hende ku a rekuperá, kompará ku e kantidat nobo ku a tèst positivo, e kantidat di kaso aktivo na Kòrsou aktualmente ta 548. Ounke ainda bai e kantidat di hende ku ta tèst positivo ta keda relativamente haltu, e kantidat di kaso aktivo tòg ta mustrando un redukshon leve.

Na tur tin 21 hende interná den hospital ku síntomanan di Covid na Kòrsou. Gran mayoria di esakinan ta hende ku no a pasa angua kontra di Covid-19.