KRALENDIJK – E Triángulo di hustisia na Boneiru, ku ta wòrdu formá pa gezaghèber, e hefe di Kuerpo Polisial i fiskal di OM BES ta pidi e habitantenan di Boneiru pa traha hunto pa sigurá e seguridat di e isla.

Gezaghèber Reynold Oleana, ku tin kaba 100 dia na su puesto, a ekspresá preokupashon pa ku  desaroyonan ku ta tumando lugá na e isla, durante un konferensia di prensa siman pasá “Oumento di molèster di sonido, sushi rònt nos isla, uso di droga i alkohòl, i deteriorashon di seguridat den tráfiko. Tur esaki ta asuntonan ta asuntunan ku mester di priordat,” asina Oleana a bisa.

Hefe di Polis Alwyn Braaf tambe a duna su punto di bista. “Na Polis awendia nos tin e dicho ku dalmentu ta nifiká suplamentu”, asina Braaf a bisa. Ademas di kòntròlnan di alkohòl den tráfiko ku ta tuma lugá na okashonalmente, awor ta normal pa hasi kòntròlnan dirigí asina ku tin un dalmentu di auto. 

E Triángulo ta suprayá un biaha mas ku okashoná un akshidente fatal bou di influensia di alkohol òf substansianan di droga, ta resultá mesora den un kastigu di prizon.

Sinembargo, e triángulo ta kereku ounke mantenshon ta importante, esaki no ta e úniko solushon pa mantené e isla seif i un lugá agradable pa su habitantenan. 

“Mi ta hasi un apelashon riba siudadanonan pa uni forsa i tuma parti aktivamente den mehorashon di kondishonnan di bida na Boneiru. Esaki por inkluí redukshon di molestia di ruido, limpiamentu di basura rond ku ta keda, i desanimá uso di droga i alkohol,” asina Gezaghebber Oleana a bisa.

Apelashon

Oleana a enfatisá tambe importansia di no solamente presta atenshon na e propio komportashon, pero tambe pa hasi un apelashon riba otro, ora ta mira ku nan komportashon ta for di man. “Por trata aki di un miebro di famia, amigu òf otro ser kerí ora nan mustra konportashon ku ta pasa limitenan ku ta konta den nos komunidat.”