WILLEMSTAD- Tin un situashon hopi penoso na Kòrsou pa loke ta trata e úniko dos avionnan di e kompania área Venezolano, Albatros. 

Tus dosavion ku e kompania tin, ya simannan largu ta pará riba plataforma di Curacao International Airport, sin por lanta buelo. Ta trata di un Boeing 737 i un avion mas chikitu di propèler Embraer 120. 

Mientras ku e avion Boeing 737 tin un beslag riba dje, manera Awor.nu por komprondé di masomenos 300.000 dòler i pa e motibu ei no por move, e avion Embraer no por lanta buelo pasombra ainda ya ku ta wardando piesa pa drecha esaki, despues ku un motor di e avion a pega kandela. 

E insidente ku avion Embraer a tuma lugá na momentu ku e kompania tabata bai kuminsá ta ehekutá buelo na nòmber di e kompania Jetair. Despues ku e motor a pega kandela, e dil entre e dos kompanianan a kai na awe, voral awor ku ta resultá ku ta tuma un tempu hopi largu pa por drecha e avion pa esaki por kuminsá bula atrobe. 

Situashon ferfelu

Ta di premerá ku Albatros lo no por sigui wanta e situashon aki pa muchu tempu, dor ku nan a keda sin ningun avion, i no por sigui hasi niun tipo di buelo na Venezuela mes, ni tampoko riba e ruta pa Kòrsou ku tabata un fuente importante di entrada i -prinsipalmente- dòler.