Tur supermerkado i pakus mester ta será pa Pasku di Resurekshon

Kralendijk- Tur pakus na Boneiru mester ta será riba e promé dia di Pasku di Resurekshon. Aunke mayoria doño di supermerkado i tienda sa esaki, tòg tin tin negoshi ku ta lubidá òf ignorá esaki.

Na Boneiru tin un total di 4 dia pa aña kaminda niun pakus, tienda òf supermerkado tin mag di habri. Esakianan ta e promé dia di aña (promé di yanüari), Bièrnè Santu, djadumingu promén dia di Pasku di Resurekshon i promé dia di Pasku (25 di desèmber).

But

Departamentu di Supervishon i Mantenshon, di Entidat Públiko di Boneiru, por sera i but negoshinan ku ta habri a pesar di e prohibishon aki.

Mirando e preguntanan riba feisbuk, hopi hende no sa di e regla aki. Tin hende ta kere tambe ku no por habri pa motibu di e medidanan kontra di Covid, pero riba e fechanan meshoná ariba, no por habri niun aña i esaki no tin di haber ku Covid. E otro 361 dia di aña negoshinan tin mag di habri, basta nan ta mantené nan mes na regla di nan permit, pa loke ta oranan di apertura.