Notisia

Tweede Kamer no por hasi nada ku moshonnan na Papiamentu di Parlamento di Kòrsou

DEN HAAG –Tweede Kamer ta haña ku ta Kòrsou mester duna informashon ku e ta kompartí den un idioma komprendibel. Awor aki Parlamento di Kòrsou ta manda moshonnan den Papiamentu. Mayoria biaha ta archivá nan sin ku niun hende ta lesa nan òf ta na altura di kiko tin pará den nan.

Durante e promé reunion di komishon e aña aki e miembronan di Kamer a papia riba e tema aki. Miembro di Tweede Kamer Jorien Wuite di D66, ku tin su raisnan na Sint Maarten, a puntra si tin un prosedura pa tradusí e tekstonan aki. No tin esaki i griffie ta muchu okupá pa tradusí nan pa miembronan di Kamer.

Un  problema ku ta bini aserka ta ku hopi biaha ta manda e moshonnan komo plachi i no komo dokumento ku teksto. Un eventual programa di tradukshon no por hasi nada ku esei.

A pidi Parlamento di Kòrsou awor pa manda e dokumentunan di un otro manera.

Deel dit artikel
Rocargo
Rocargo
Rocargo
Rocargo