KRALENDIJK- Tourism Corporation Bonaire (TCB), huntu ku Plataforma Rincon ta organisá e di tres i último Bario Festival pa e aña aki. E evento ta tuma lugá riba djasabra 10 di desèmber 2022 den Stadion Antonio Trinidad na Rincon den un tremendo ambiente di fin di aña, for di 6 or di atardi te 12 or di anochi.
E programa ta kargá ku músika i tin stènt ku ta bende kuminda lokal. Agrupashon Rítmiko Timon, Grupo Kariño, Grupo di Tambú Sababa i Jòm Gaiteros ta presente pa animá e anochi akí. Pa duna e Bario Festival un toke mas atraktivo lo tin presentashon tambe di Fenty Music i DJ Geffy.
TCB kier a yama un danki na e partnernan Ennia Bonaire, Plataforma Rincon i Sentro Akseso Boneiru ku ta koperá ku e Bario Festival i tambe na tur e spònsernan.
TCB ta ekstendé un invitashon na pueblo di Boneiru i tambe na tur bishitantenan pa bin pasa un ratu ameno huntu riba djasabra 10 di desèmber 2022.
Siman di Investigashon Karibense 2022 Di djaluna 13 te djabièrnè 17 di yüni 2022
Gezaghèber Rijna ta risibí buki di historia di religion na islanan ABC
Unidat di Ehérsito ta praktiká e siman aki na Bonaire
Ta posibel pa hasi deklarashon di impuesto di turista atrasá sin paga but te ku 1 di mei 2022
