Kralendijk – Flamingo Express Dutch Caribbean (FXDC) den un komunikado pa prensa a komuniká djarason atardi ku djaluna ku a pasa, nan a risibí e último lote di karchinan di vota pa repartishon.

E karchinan pa elekshon di Tweede Kamer na Hulanda, e aña aki, a wòrdu entregá dor di Departamentu pa Asuntunan Sivil (Burgerzaken) na ofisina di Pòst repartí den vários pakete segun e bario.

Mayoria di e karchinan pa vota a wòrdu entregá na kas kaba, pa loke ta traha barionan di Antriol, Amboina, Tera Kòrá, Playa, Hato, Sabadeco, Nieuw Amsterdam, Nikiboko i Belnem.

Awe òf mañan

E último barionan kaminda e karchinan di vota lo wòrdu entrega awor ta Rincon, Nawati, Nort Saliña, Republik i Bona Bista. Según FXDC mayoria hende a òf lo risibí esaki awe, djarason òf pa mas tardá mañan, djaweps 11 di mart.

Karchinan ku no por wòrdu entregá pa un òf otro motibu ta bai bek na Departamentu pa Asuntunan Sivil (Burgerzaken)  i por wòrdu buská einan dor di votadónan ku no a risibí nan karchi.

Votashon pa e parlamentu hulandes ta tuma lugá riba dia 17 di mart, 2021.

---

• 
  Ofisina di benta di Corendon na Boneiru a habri di forma festivo
• 
  Momentu spesial na IND: A duna bida na e dibuho ganadó 
• 
  UPB ta akusá diputato Abraham di lucha personal kontra Bonaire Holding Maatschappij
• 
  Prevení Zika, Dengue i Chikungunya
• 
  KPCN ta introdusí prosedimentu nobo pa atendé ku keho