Un persona mas a fayesé na Covid; kasonan aktivo stabilisando?

Kralendijk- Despues di kasi 3 siman di subida di kasonan aktivo na Boneiru, por fin pa awe tin un bahada level den e kantidat di kaso total di Covid na Boneiru.

Esaki ta wòrdu kousá dor di e echo ku tin mas hende ku a rekuperá (36) den komparashon ku e kantidat di kasonan nobo ku a keda registrá (27).

Ta di spera ku esaki ta e promé señal ku e kantidat di kaso total ta stabilisando, pero ta muchu trempan pa por bisa esaki.

Tèst

Gobièrnu ta sigui hasi un apelashon riba habitantenan pa tene nan mes na e reglanan di prevenshon i tambe di mèldu nan mes pa un tèst di Covid, asina ku nan ta sinti 1 òf mas síntoma. Ayera un total di 85 hende a pasa tèst, di kual 27 a resultá positivo. Tambe tin un viktima mas ku a fayesé pa motibu di Covid.

---

• 
  A renombrá Representante di Reino interino pa Boneiru, Sint Eustatius i Saba
• 
  AFBW ta denunsiá abuso kontra di trahadó di HORECA na Boneiru
• 
  Gobièrnu di Saint-Martin ta kumpra Air Antilles den proseso di bankarota
• 
  Buelo di TUI ta keda pegá na aeropuerto di Boneiru
• 
  Plantashi Bolivia – parti 2: Historia i futuro