Notisia

‘Un sonrisa pa Kòrsou’ ta sigui

WILLEMSTAD – Dia 6 di novèmber e proyekto ‘Un sonrisa pa Kòrsou’ ta sigui den e bario Seru Fortuna i e bario Ser’i Papaya. Riba e dia ei habitantenan hóben por pasa entre 9’or di mainta i 2’or di mèrdia pa un kòntròl di djente. 

Un grupo di asistente dental di Kòrsou i di Hulanda lo ta den sentro di bario pa den kolaborashon ku algun dentista lokal hasi un kòntròl di djente simpel pa muchanan entre sero i djesocho aña.

Kuido dental na Kòrsou ta kai bou di e seguro básiko, pero mayoria hende ta bai dentista na momentu ku nan tin un problema òf doló.

Esaki mester kambia segun e asistentenan dental. Ku e proyekto sonrisa aki nan ta purba di pone énfasis riba prevenshon. Meta ta pa hasi práktikanan dental mas aksesibel pa medio di kompartí konosementu.

For di e promé programa piloto na Sambil a resultá ku tin mas nesesidat di informashon/edukashon i prevenshon i ku tambe bou di adultonan tin hopi interes pa kòntròl di djente.

E Asosiashon di asistentenan dental ta kuminsá na Seru Fortuna i ta spera pa despues pasa mas bario minimal dos biaha pa aña den e próksimo tres añanan.

Nan lo traha un raportahe final ofisial pa e polítikonan responsabel  di ministerio di Salubridat, kompanianan di seguro i tur ku ta enbolbí den kuido dental na Kòrsou.

Deel dit artikel
Rocargo
Rocargo
Rocargo
Rocargo