Notisia

Universidat di Wageningen: Santu di Chogogo ta bai laman sin mas

KRALENDIJK- Un investigashon ku Universidat di Wageningen a laga hasi di e kalidat i e situashon di e santu ku Chogogo a plama pa komplementá e playa natural di e hotel, ta konkluí ku finalmente un parti di e santu lo bai laman.

Tambe Universidat di Wageningen ta mustra ku no por ekskluí ku e santu ku ta bai laman finalmente lo kondusí ku mas koral ta muri. Banda di esei e investigashon ta mustra tambe ku e muraya ku a konstruí pa wanta e santu i ku Bonaire.nu a komentá kaba ariba, no ta wanta e santu sufisiente.

“Kantu di mayoria bandanan di e playa artifisial e santu ta hopi pegá ku e parti ariba di e muraya i ménos ku  20 cm ku ta e eksigensia for di e rant ariba. Ta parse ku pa motibu di e direkshon di bientu eksistente (esei kemen dilanti di kosta bai pabou) e santu ta bai direkshon di laman. Ademas e bientu ta supla via di un tipo di trampa mei mei di e edifisionan di e playa di Chogogo i Resort di Buseo bai laman. Na diferente kaminda bientu a supla e santu pasa e muraya i a meskla ku e santu di playa natural ku ta muchu mas gròf’, segun e sientífikonan.

Banda di esei e investigadónan ta konkluí ku hasiendo e muraya pa wanta e santu mas haltu, pa definishon no ta akseptabel. “Maske ku hasi e muraya pa wanta e santu mas haltu, e santu ta keda akumulá na e parti ku ta for di bientu di e playa i finalmente lo pasa e muraya. Probablemente lo mester keda plama e santu manual pa evitá ku e ta bai laman”. Tambe ta konsehá pa tene inspekshonnan periódikamente pa definí e situashon eksakto .

Kalidat

E investigadónan ta ménos negativo pa loke ta trata e kalidat di e santu ku a bini kuné i e posibel implikashonnan riba e medioambiente marítimo, ku tabatin tantu spekulashon rondo di dje últimamente. “E grado orgániko di muestranan di e playa di Chogogo ta enteramente otro ku e santu artifisial. Den e santu artifisial tin promedio kasi nada di material orgániko (balor promedio ta 0,3%, 95% límite di konfiabilidat di 0,13-0,49), mientras e santu natural tin 2,4% (1,9, 2,9) na material orgániko.

E investigadónan ta mustra ku e material orgániko di e santu di e playa artifisial ta asina abou ku e chèns pa sushamentu mikrobiológiko ta basta abou i  no ta spera e konsekuensianan negativo pa sushamentu bakterial di e playa.

Rekonsiderá playanan artifisial

A base di nan investigashon ku e universidat porfin a kompartí ku prensa djarason, ta bisa ku mester rekonsiderá ponementu di playanan artifisial na Boneiru den su totalidat.

Deel dit artikel
Rocargo
Rocargo
Rocargo
Rocargo