Polítika

UPB ta akusá diputato Abraham di lucha personal kontra Bonaire Holding Maatschappij

Kroon ta mustra su mes hopi krítiko pa loke ta trata proseder di Abraham pa ku BHM. Pòtret: Konseho insular

Kroon ta mustra su mes hopi krítiko pa loke ta trata proseder di Abraham pa ku BHM. Pòtret: Konseho insular

KRALENDIJK – Lider di UPB i èks-diputato James Kroon ta krítiko riba e postura di diputato Clark Abraham kontra e kompaniana di gobièrnu ku ta kai bou di Bonaire Holding Maatschappij (BHM).

“Abraham no ta basa su komentarionan riba hecho, pero riba konvikshon personal,” segun Kroon ta bisa. E polítiko di e partido bèrdè ta kere ku e komentario di Abraham komo sifuera kompanianan ku ta kai bou di BHM no ta presta bon, ta basá riba pensamentu i konviskshon inkorekto.

Segun Kroon, kompania gubernamental ku ta eksitoso manera Water i Energiabedrijf Bonaire (WEB) N.V. i e aeropuerto Flamingo a keda salbá pa invershonnan di parti di gobièrnu Hulandes. Pa e motibu aki Kroon ta doloroso ku Abraham, segun e ta bisa, ta lucha kontra di kalke intervenshon di parti di Hulanda. Kroon ta akusá Abraham tambe di a kuminsá un lucha personal kontra BHM.

Mantené na echo

Kroon ta hasi un apelashon riba Abraham pa laga BHM i su kompania ku ta kai bou di nan hasi nan trabou. Alabes e ta hasi un yamada riba Abraham pa ta mas konsistente i tene su mes mas tantu na echo na lugá di opinion. 

Deel dit artikel