KRALENDIJK- Frakshon di UPB a partisipá na e kongreso di ALIDE i Korpodeko entre 17 i 20 di mei. E partisipashon ta forma parti di UPB su vishon di introdusí un propio Banko di Desaroyo pa Boneiru.

Den último 3 aña, segun e partido bèrdè a trese dilanti, na a presentá dos moshon pa introdusí un Banko di Desaroyo na Boneiru. 

Bou di plataforma yamá ALIDE (Latin american Association of Development Finanancing Institution) tin vários instituto ta traha huntu ku Nashonnan UNI i e programa di desaroyo UNDP (United Nation Development Program). Tantu KORPODEKO huntu ku ALIDE su funshon ta pa traha riba e tema di Banko di Desaroyo/ Bankonan di Desaroyo den tur país den regio, ku finalidat pa yuda. 

UPB ta di opinion ku un Banko di Desaroyo lo sostené aktividat ekonómiko i alabes refreská posishon finansiero di empresa na Boneiru, unda ta protehá kuponan di trabou ekistente den merkado laboral i alabes stimulá kreashon di mas invershon. 

Proseso

UPB ta bisa ku den próksimo temporada legislativo den Konseho Insular e partido nan lo kana e proseso pa manda un mensahe bon kla pa ehekutá e proyekto di Banko di Desaroyo di Boneiru. Frakshon UPB konkretamente ta bai pidi un reunion di komishon fiho pa trata e tema aki. Tambe e partido a bisa di ta spera di risibí apoyo unanimo pa ku bienestar sosial, ekonómiko i laboral pa Boneiru.