Update Di Konstrukshon Di Planta Di Awa

 Kralendijk – Water- en Energiebedrijf Bonaire (WEB) kier a tuma tempu pa informa tur abitantenan di Boneiru di konstrukshon di e planta di awa nobo pa komunidat. A tèst, kùr i poné e instalashon di awa kompletamente den servisio. Na e momentunan aki e instalashon di awa nobo ta produsí mas o menos 50% di e totalidat di awa di bebe na Boneiru. Na fin di sèptèmber WEB lo bai produsí 100% di awa di bebe pa e isla di Boneiru.

Tambe nos ta kontentu pa anunsiá ku e kolaborashon ku nos fabrikante IDE Technologies, e líder mundial riba tereno di solushon pa tratamentu di awa, i tur nos kontratista i supkontratistanan ku á i tá hasi un bon trabou pa ku e proyekto aki. Apesar di tur e retonan trahando riba distansia durante e pandemia di COVID-19, e grupo aki a sigui traha huntu pa sòru pa progreso di nos instalashon di awa di bebe sin ku esaki a eksperensiá retraso.

Komo WEB nos a duna instrukshonnan kon pa traha seif teniendo kuenta ku tur medidanan di COVID-19, pa asina e konstrukshon por a sigui, asta den temporada di lockdown riba e isla. Traha huntu riba tereno di konstrukshon tin biaha tabata nifiká pa tene 1,5 meter di distansia for di otro.

E instalashon nobo lo por produsí 7200m3 di awa di bebe diario i ta modular. Esaki ta nifiká ku segun Boneiru ta krese, e planta tambe ta krese fásilmente ku e demanda kresiente, dor di pone mas unidat aserka si ta nesesario.

E instalashon nobo di awa di bebe ta uza ménos energia, ta duradero i sin supstansianan kímiko.

WEB tin bista pa medio ambiente i p’esei ta sòru pa no hasi uzo di niun supstansia kímiko den nos instalashon di awa di bebe , tampoko tin diferensia di temperatura den e awa ku ta bai bek laman i e temperatura di awa di laman . Di e manera aki nos ta protehá bida marítimo na nos kostanan.

---

Lesa tambe:

• 
  Enkuesta: Kompetensia inhustu pa kompanianan lokal na Boneiru?
• 
  Sobrekargo di siguridat lo hasi pasashi for di Kòrsou un tiki mas karu atrobe 
• 
  TCB ta wak bèk riba eksitoso konferensia di turismo
• 
  Aeropuerto Flamingo no ta satisfecho ku sistema nobo pa entregá maleta
• 
  A renombrá Representante di Reino interino pa Boneiru, Sint Eustatius i Saba